ميدو في الأدغال

بنات آخر زمن

2:31 PM by MeDoOoOoOo


أولا والله العظيم الكلام ده حقيقي و ثانيا بقي ل سعادتك مش واخد بالك أكيد هتلاقي صاحبك او صاحبتك واخدين بالهم ان معظم البنات اليوين دول بيعاكسوا وبسفالة كمان لدرجة انك ممكن تخاف تعدي من قدام مدرسة بنات أنا هحكي موقفين يوضحوا للناس . في يوم من الايام نزلت من مترو الأنفاق في محطة غمره الساعة 2 الظهر منت رايح لواحد صاحبي و طلعت من المترو و كنت حاطط سماعه المبي 3 في ودني و ماشي بسمع بصوت عالي و سيت باهتزاز الموبيل فقفلت البتاع ده و انا بطلع الموبيل من جيبي في الوقت ده سمعت صوت 3 بنات عالي جدا و هما بيعاكسوا قعدت أدور علي مين الي هما بيعاكسوه فاكتشفت اني أنا سعي الحظ و ان الموضوع عادي جدا لدرجة ان مفيش كلب في الشارع قالهوم عيب و الشكلة ان بعض الكلمات الي كانت بتتقال احنا كولاد بنخاف نقولها قدام بنات علشان منجرحش حيائهم انا عيز أفهم يعني هما ملهمش اخوات بلاستيك . المهم الموقف الثاني بيحصل مع واحد صاحبي و هو راجع من شغله كل يوم لأنه بينزل من الشغل بينه و بين موقف الميكروباس شارع طوييييييل بس يتمشي يعني لكن للأسف في كارثة في الشارع ده و هي مدرسة بنات في وسط الشارع بدقوا بكلام زي الفل و لما ملقوش استجابه بدأوا يمدوا ايديهم لدرجة ان الواد ا عيني بقي مضطر ياخد تاكسي الحته دي علشان ميعديش عليهم يعني دلوقتي الواحد يخاف ان يتم اغتصابه او التحرش به من طالبه ثانوي او واحده عاديه او بمعني آخر من بنات آخر زمن

ميدو عند دكتوره نفسانيه

3:23 AM by MeDoOoOoOo

تقريبا أمي شكت اني اتجننت أو أنا كنت بعدي بفترة اكتئاب بشع فاقترحت الحاجة اني أروح لدكتور نفسي فقولت لروحي هي مفكراني مجنون ولا ايه و بعد كده قلت عيب احنا ناس مثقفين برضه ايه المشكلة دكتور دكتور احنا هنخاف ولا ايه . المهم ان في هذا اليوم العظيم روحت لقيت عيادة فلانة الفلانية طيب.... دخلت ملقتش غيري في العيادة و الممرضة جريت عليا و كان نفسها تزغرت زبون يا دكتوره المهم دخلت و قعدت شويه و بعد كده سمحتلي بالدخول للست الدكتوره كنت مفكر زي الأفلام العربي شزلونج بقي و حوارات لقيت دكتوره مذه بصراحه المهم ضربت في دماغي ان ادام هي دكتوره و كمان نفسيه المفروض تعرف لو انا كدبت فقولت أختبرها و قعدت أجبلها قصص غريبة و هي تكتب أقول و هي تكتب و بعد كده أقعدت تناقشني في الي أنا قولته يا نهار بمبي دي معرفتش اني بكدب فقررت اني مش هروح لدكتور نفسي تاني و تأكدت من مقولتي الشهيره "ان كل البشر سيكوووو " و هفسرها ليكوا هتلاقي بنت غيوره بزياده و ده مرض نفسي هتلاقي واحد طيب بزياده و ده مرض نفسي هتلاقي واحد تنك بزياده و ده مرض نفسي لذا كلنا محتاجين مساعده بما فينا الدكتور النفسي و دي كانت رحلتي عند دكتوره نفسانيه



رومانسي قوي حضرتك

10:02 AM by MeDoOoOoOo

من كام يوم كده رجعت البيت مكنش جايلي نوم بصراحه قلت أفتح الراديو نسمع أغنيتين كده لغاية متخمد المهم فتحت لقيت برنامج كلنا عارفينه و هو أنا و النجوم و هواك يقدمه اسامه منير صاحب الصوت العميق الي كل البنات بتسهم اول متسمع صوته ما علينا قعدت أفكر كده في الفراغ الي الناس بقت فيه . و بعد كده افتكرت كلمة اغريقية قديمة اسمها الحب و معناها بالانجليزي لوف للواردين من الخارج المهم لقيتي بعقليتي المفكره ان الحب اليومين دول عملة صعبه بل عملة نادرة طبعا كل الناس بتقولي ايه الكآبة الي انت فيها ديه أنا هقولك الدليل سمعت كام مثل اليومين دول علي طريقة حب الي تحبك و متحبش الي انت بتحبها مسمعتش طيب لما تبقي راكب ميكروباص و كله دودو دودو أول متيجي أغنية حزينة كام ولد و كام بنت بيركزوا .ايه حكاية اتقل عليها و اتقلي عليه أنا عايز أفهم بتحبوا بعض تتقلوا ليه ؟؟؟
ليه كل ما الواحد يحب واحده و يخلصلها تذل أهله و تكفر أيمناته في الوقت نفسه تلاقي واحدة بتتمني رضاه و هو مش عايزها غريبة الدنيا ديه والله .
يا جماعة تلت تربع المشاكل الي بتحصل بين أي اتنين مرتبطين ليبقي السبب من أهلهم و أنا ضد تدخل الأهل و الاصجاب لاما يبقي السبب دماغهم الي عمله زي الجزمة " علشان أشكمها لازم أذلها " و "علشان يحبني لازم أطلع عين أهله " . بدأت أحس ان أكتر مكان شاعري اليومين دول هو معتقل جوانتنمو طبعا كل الناس بتقولي رومانسي قوي حضرتك يا جماعة دي قناعاتي و أنا هتقل عليكوا علشان تفهمواااااا